İdman

İrqçiliyə qarşı meymundan istifadə etdilər

17 Dekabr 2019 18:49

0 Şərh Baxış: 712

VTB-də minimal faiz dərəcəsi ilə nağd kredit 10.49%-dən

#FUTBOL #İTALİYA

İtaliya Futbol Federasiyasının irqçiliyə qarşı mübarizə üçün başlatdığı kampaniyada meymun şəkillərindən istifadə etməsi narazılığa səbəb olub.

Milli.Az qol.az-na istinadən xəbər verir ki, rəssam Simone Fuqazzottenin hazırladığı və üç meymun şəklindən istifadə olunduğu "İrçiliyə yox" adlı posterlər A seriyasının matçlarının oynanıldığı stadionlara asılıb. Rəssam bu şəkillə məqsədinin insanlarla meymun arasında bir fərq olmadığını göstərmək olduğu bildirib: "Hamımız meymundan yaranmışıq. Əslində burada demək istədiyim insanların bərabər olmasıdır".

Ancaq bu, A seriyası klubları tərəfindən müsbət qarşılanmayıb. Onlar irqçiliyə qarşı mübarizədə meymun şəklindən istifadəni düzgün hesab etməyiblər.

"Milan" klubu bununla bağlı yaydığı açıqlamada bildirib: "Sənət güclü ola bilər, ancaq irqçiliyə qarşı mübarizədə meymun şəkillərindən istifadəyə qarşı çıxırıq. Bu məsələdə bizimlə niyə danışılmadığına təəccüblənirik".

"Roma" da bu kampaniyaya eyni münasibət göstərib: "Bu şəkilləri görəndə təəccübləndik. İrqçiliklə bu cür mübarizə aparılacağını inanmırıq".

Milli.Az