İdman

Qurban Qurbanov - 10-cu dəfə Azərbaycanın ən yaxşısı!

12 Dekabr 2019 16:04
0 Şərh     Baxış: 3 653
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #QARABAĞ #QURBAN QURBANOV

Azərbaycanda 2019-cu ilin ən yaxşı futbol məşqçisinin adına aydınlıq gəlib.

Milli.Az xəbər verir ki, komanda.az saytının jurnalistlər arasında keçirdiyi ənənəvi sorğuda "Qarabağ"ın baş məşqçisi Qurban Qurbanov qalib olub. 63 mətbu orqanından 67 jurnalistin qatıldığı sorğuda Qurbanov digər namizədləri böyük fərqlə geridə qoyaraq, 2019-cu ilin ən yaxşı məşqçisi seçilib. O, 58 səs toplamaqla birinci olub. Bununla da, Qurbanov 10-cu dəfə Azərbaycanda ilin ən yaxşı məşqçisi seçilib.

Sorğuda iştirak edənlərdən 6-sı "Sumqayıt"ın baş məşqçisi Ayxan Abbasova, 2-si "Qəbələ"yə ölkə kubokunu qazandırmış Sənan Qurbanova, 1-i isə "Səbail"in çalışdırıcısı Aftandil Hacıyevə səs verib. Maraqlıdır ki, "Neftçi"nin italiyalı baş məşqçisi Robertə Bordinə sorğuda səs verən olmayıb.

"Qarabağ" son mövsümdə Qurban Qurbanovun rəhbərliyi altında Azərbaycan çempionu olub, Avropa Liqasının qrup mərhələsinə vəsiqə qazanıb. "Köhlən atlar" cari mövsümdə də 31 xalla Azərbaycan Premyer Liqasının vahid lideridir.

Qurban Qurbanovun ilin ən yaxşı məşqçisi kimi mükafatandırılması mərasimi dekabrın 14-də keçiriləcək. Tədbir "Fairmont otel"in ("Üç alov qülləsi") Səttar Bəhlulzadə zalında keçiriləcək və saat 16.00-da başlayacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.