İdman

Azərbaycanlı döyüşçü UFC-də çıxış edəcək - VİDEO - FOTO

12 Fevral 2019 12:54
1 Şərh     Baxış: 1 027

Milliyyətcə azərbaycanlı olan Rafael Fiziyev dünyanın ən məşhur MMA yarışı olan UFC-də çıxış edəcək.

Milli.Az oxu.az-a istinadən xəbər verir ki, Qırğızıstan vətəndaşlığı olan Fiziyev bu ay UFC ilə müqavilə bağlayıb. 

İdmançının özü bu xəbəri üç gün əvvəl Tailandda olarkən öyrənib. Meneceri Sayad Əbdürəhmanovun ona bu xəbəri çatdırmasından sonra idmançı təsirlənib, xəbərə inana bilmədiyini deyib.

"Ataman" ləqəbli Fiziyevin UFC-də ilk döyüşü aprelin 20-də Rusiyanın Sankt-Peterburq şəhərində baş tutacaq. UFC FN 149 turnirində onun rəqibinin kim olacağı hələlik bilinmir.

Rafael Fiziyev isə iki bayraqla döyüşlərə çıxacaq:

"İnşallah, mən oktaqonda iki bayraq qaldıracağam. Biri ölkəm olan Qırğızıstanın bayrağı olacaqsa, digəri Azərbaycanınkı olacaq. Çünki mən azərbaycanlıyam".

Qeyd edək ki, Rafael Fiziyev peşəkar MMA-da altı döyüş keçirib və hamısında qalib gəlib. Onun qalib gəldiyi döyüşçülər arasında azərbaycanlı Gündüz Nəbiyev də var. Bu döyüş 2016-cı ilin oktyabrın 10-da Qırğızıstanın paytaxtı Bişkekdə olub. Fiziyev birinci raundda Nəbiyevi təslim olmağa vadar edib.

MMA-dan başqa, kikboksinq və muay tayla da məşğuldur. Muay tayda 40 qələbəsi var ki, bunlardan 29-da nokaut qeydə alınıb. Onun MMA-da ən məşhur döyüşlərindən biri 2017-ci ilin iyunun 10-da cənubi koreyalı Seunq Yeon Kimə qarşı döyüşdür. Cənubi Koreyanın paytaxtı Seulda keçirilmiş döyüşdə Rafael Fiziyevin əli qırılsa da, qalib gəlməyi bacarıb.

Milli.Az

Videonu izləmək üçün şəklə klikləyin:
Azərbaycanlı döyüşçü UFC-də çıxış edəcək

Məqaləyə dair fotomateriallar:

loading...

Şərh yaz:

1 Şərh:

  • Anonim
    IVRO · 12 Fevral 13:4000

    Oğulsan.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.