İdman

"Uduzduğum idmançıya paralimpiyaçı deməyə dilim gəlmir"

23 Sentyabr 2016 15:30
0 Şərh     Baxış: 2 425
VTB-də minimal faiz dərəcəsi ilə nağd kredit 9.9%-dən
#CÜDO #RİO-2016

Rio-de-Janeyroda keçirilən Yay Paralimpiya Oyunlarının təşkilatçılığı sıfır səviyyəsində idi. Bu məsul yarışı "Bakı-2015" I Avropa Oyunları ilə müqayisə etmək mümkün deyil. Bütün komanda üzvlərimizə qarşı hakim haqsızlığı oldu. 

Milli.Az goal.az-a istinadən xəbər verir ki, bu fikirləri Azərbaycanı Rio-de-Janeyroda keçirilən Yay Paralimpiya Oyunlarında təmsil edən bayraqdarımız İlham Zəkiyev bu gün Bakıda Heydər Əliyev Beynəlxalq Hava Limanında qarşılanma mərasimində jurnalistlərə açıqlamasında bildirib. 

İ.Zəkiyev "Rio-2016"dakı uğursuzluğuna belə izah verib: "Uduzduğum özbək idmançıya paralimpiyaçı deməyə dilim gəlmir. Çünki o, 3 il əvvəl sağlam idmançıların mübarizəsində güləşirdi. Hətta onunla görüşdə belə mənə hakim haqsızlığı oldu. Bu, bürünc medal uğrunda qarşılaşmamda da baş verdi. Üstəlik, həmin görüşə çıxanda sağlamlığımda da problem yarandı. Qan təzyiqim 80-dən 50-yə düşmüşdü. Bir az da qızdırmam vardı. Həkimlər mənə bu görüşə çıxmağı qadağan etdilər. Hətta Bakıdan da zəng elədilər ki, bizə medal yox, sən lazımsan. Lakin rəqibim başqa şey fikirləşməsin deyə bürünc medal döyüşünə çıxdım".

Qeyd edək ki, Afina və Londonda keçirilən paralimpiadaların qalibi, Londonda isə bürünc mükafatçı olan təcrübəli cüdoçu Rio-de-Janeyrodan Vətənə medalsız dönüb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.