Çempionlar Liqası: pley-off mərhələsinə yekun vuruldu - YENİLƏNİB - VİDEO - FOTOSESSİYA

"Arsenal" ilə ilk oyunda darmadağın olmuş Türkiyə təmsilçisi "Fenerbahçe" cavab matçında sürpriz etməyə çalışsa da, bu dəfə də uduzub və mübarizəni dayandırıb. Zaqreb "Dinamo"su isə evdə uduzduğu "Austria"nın qonağı olub. Xorvatlar qalib gəlsə də, mübarizəni dayandırmalı olublar. "Ludogorets"lə mübarizə aparan "Basel" ev oyununda cütün taleyini ikinci qələbə ilə həll edib. İlk oyunları sülhlə bitmiş "Schalke" ilə PAOK-un duelindən bu dəfə Almaniya təmsilçisi qalib ayrılıb. Həmçinin "Steaua" ilə "Legia" yenə heç-heçə ediblər. Amma səfərdə daha çox qol vuran Rumıniya təmsilçisi mərhələ adlayan tərəf olub.

Səfərdə Karaqandi "Şaxtyor"una 2 cavabsız qolla məğlub olan "Celtic" evdə bunun qisasını almağı və mərhələ adlamağı bacarıb. "Olympique" (Lion) üzərində səfərdə qələbə qazanmış "Real Sociedad" ev oyununda da eyni uğuru təkrarlayıb. "Pacos de Ferreira"nı darmadağın etmiş "Zenit"ə də yalnız növbəti mərhələyə vəsiqəni rəsmiləşdirmək qalırdı ki, növbəti qələbə bunun üçün artıqlaması ilə bəs edib. PSV ilə ilk oyuna sülh bağlamış "Milan" doğma azarkeşlərinin gözü qarşısında darmadağına imza ataraq mərhələ adlayıb. "Viktoria" da "Maribor" səddini keçməyi bacarıb.

Çempionlar Liqası

Pley-off mərhələsi (cavab oyunları)

27 avqust

Arsenal (İngiltərə) - Fenerbahçe (Türkiyə) - 2:0 (ilk oyun 3:0)

Qollar: Remsi, 25; 72.

Austria (Avstriya) - Dinamo (Zaqreb, Xorvatiya) - 2:3 (2:0)

Qollar: Mader, 4, Kinast, 8 - Brozoviç, 33, Fernandes, 43, Beqiray, 70.

Basel (İsveçrə) - Ludogorets (Bolqarıstan) - 2:0 (4:2)

Qollar: Frey, 11, Degen, 79.

Legia (Polşa) - Steaua (Rumıniya) - 2:2 (1:1)

Qollar: Radoviç, 27, Yakub, 90 - Stanku, 7, Piovakkari, 9.

PAOK (Yunanıstan) - Schalke (Almaniya) - 2:3 (1:1)

Qollar: Athanasiadis, 53, Katsuranis, 79 - Szalai, 43; 90, Draksler, 67.

28 avqust

Zenit (Rusiya) - Pacos de Ferreira (Portuqaliya) - 4:2 (4:1)

Qollar: Danni, 29; 48, Buxarov, 66, Arşavin, 78-pen - Manuel, 67, Karlao, 83.

Celtic (Şotlandiya) - Şaxtyor (Karaqandi, Qazaxıstan) - 3:0 (0:2)

Qollar: Kommons, 45, Samaras, 48, Forrest, 90.

Real Sociedad (İspaniya) - Olympique (Lion, Fransa) - 2:0 (2:0)

Qol: K.Vela, 67; 90.

Milan (İtaliya) - PSV (Hollandiya) - 3:0 (1:1)

Qollar: Boatenq, 9; 7, Balotelli, 55.

Maribor (Sloveniya) - Viktoria (Çexiya) - 0:1 (1:3)

Qol: Stanislav, 3.