İdman

Həbib illər sonra Makqreqorun təhqirlərinə niyə cavab vermədiyini açıqladı

10 Avqust 2026 10:30

Baxış: 1 837

VTB-də minimal faiz dərəcəsi ilə nağd kredit 9.9%-dən

#MMA #UFC #İDMANÇI

Əfsanəvi UFC döyüşçüsü Həbib Nurməhəmmədov 2018-ci ildə Konor Makqreqorla qarşılaşmasından əvvəl yaşananlarla bağlı maraqlı açıqlama verib.

Milli.Az xəbər verir ki, dağıstanlı idmançı bu barədə Sport24.ru-ya danışıb.

Xatırladaq ki, 2018-ci ildə UFC-nin yüngül çəki üzrə titul qarşılaşmasında Həbib Nurməhəmmədov Konor Makqreqora dördüncü raundda boğucu fəndlə qalib gəlib. Döyüşə qədər irlandiyalı rəqibinin ailəsi və dini ilə bağlı təhqiramiz ifadələr işlədib.

Həbib Nurməhəmmədov isə həmin sözlərə cavab verməməyi şüurlu şəkildə seçdiyini bildirib. Onun sözlərinə görə, qarşı tərəflə eyni üslubda danışmaq və təhqirlərə təhqirlə cavab vermək düzgün olmazdı.

Döyüşçü qeyd edib ki, Konor Makqreqor sözlərlə rəqibi təhrik etməkdə ondan daha yaxşı idi. Lakin o, irlandiyalının səviyyəsinə enmək istəməyib.

Nurməhəmmədov bildirib ki, həmin vaxt qardaşlarına qəfəsin içində əsl kimliyini və gücünü göstərəcəyini deyib. Onun fikrincə, rəqibə ən yaxşı cavab sözlərlə deyil, məhz döyüşdə verilən nəticə idi.

Həbib Nurməhəmmədov bu fikirləri ABŞ-nin Nyu-Cersi ştatında azarkeşlərlə görüşü zamanı səsləndirib.

Müəllif: Tural Hüseyn (Milli.Az redaktor)