İdman

Superkompüter DÇ-2026 yarımfinalçılarını açıqladı

9 İyul 2026 23:35

Baxış: 2 807

VTB-də minimal faiz dərəcəsi ilə nağd kredit 9.9%-dən

Süni intellekt modeli "ChatGPT" 2026-cı il Dünya Çempionatının dörddəbir final mərhələsi üçün gözlənilməz və səs-küylü proqnozlarını açıqlayıb.

Milli.Az xəbər verir ki, süni intellekt bəzi matçlarda böyük sürprizlərə imza atıb.

Modelin təhlilinə əsasən, dörddəbir final cütlüklərinin dəqiq hesab təxminləri belədir:

Dörddəbir Final Cütlükləri və Dəqiq Hesablar

"Fransa" - "Mərakeş" (1:2): Turnirin ən böyük sürprizlərindən biri burada yaşanır. Heyət dəyəri 1.52 milyard avro olan turnirin əsas favoriti "Fransa", 448 milyon avroluq heyətə malik "Mərakeş" qarşısında diz çökür. Süni intellekt afrikalıların daha bir sensasiyaya imza ataraq yarımfinala yüksələcəyini proqnozlaşdırır.

"İspaniya" - "Belçika" (2:1): Gərgin keçməsi gözlənilən Avropa duelində üstünlük "İspaniya" tərəfində olacaq. 1.22 milyard avroluq pirneyyililər, "Belçika"nı minimal hesabla məğlub edərək adını yarımfinala yazdıracaq.

"Norveç" - "İngiltərə" (1:2): Erlinq Haalandlı "Norveç" ingilislərə ciddi müqavimət göstərsə də, güclü heyətə (1.36 milyard avro) malik "İngiltərə" bu maneəni 2:1 hesablı qələbə ilə keçməyi bacaracaq.

"Argentina" - "İsveçrə" (2:0): Lionel Messili son dünya çempionu "Argentina" turnirin sürpriz komandası "İsveçrə" qarşısında çətinlik çəkməyəcək və rahat bir oyunla 2:0 hesablı qələbə qazanaraq yarımfinala adlayacaq.

Futbol analitikləri süni intellektin bu təxminlərini çox maraqlı adlandırırlar. Əgər bu proqnozlar doğru çıxsa, yarımfinal mərhələsində bizi möhtəşəm bir "Mərakeş" - "İspaniya" və klassikləşən "İngiltərə" - "Argentina" qarşıdurmaları gözləyir.

Xüsusilə "Fransa"nın "Mərakeş" tərəfindən turnirdən kənarlaşdırılması təxmini futbol dünyasında indidən ən çox müzakirə olunan mövzuya çevrilib.(offsideplus.az)

Müəllif: Ülkər Vəliyeva (Milli.Az redaktor)