İdman

DÇ-2026: İsveçrə penaltilərlə 1/4 finalda

8 İyul 2026 08:55

Baxış: 1 358

VTB-də minimal faiz dərəcəsi ilə nağd kredit 9.9%-dən

#COLOMBİA #FUTBOL #FİFA #İSVEÇRƏ

ABŞ, Kanada və Meksikanın birgə təşkil etdiyi futbol üzrə dünya çempionatında 1/8 final mərhələsinin növbəti qarşılaşması baş tutub.

Milli.Az xəbər verir ki, İsveçrə və Kolumbiya yığmaları "BC Place" stadionunda keçirilən oyunda 1/4 final uğrunda mübarizə aparıblar. Gərgin keçən görüşün əsas və əlavə vaxtında tərəflər hesabı aça bilməyiblər və matç 0:0 hesabı ilə başa çatıb.

Qalib penaltilər seriyasında müəyyənləşib. Burada daha dəqiq oynayan İsveçrə millisi 4:3 hesablı üstünlüklə qələbə qazanaraq turnirdə növbəti mərhələyə yüksəlib.

Beləliklə, İsveçrə 1/4 finalda Argentina millisi ilə qarşılaşacaq.

Qeyd edək ki, bundan əvvəl Mərakeş, Fransa, İngiltərə, Norveç, İspaniya, Belçika və Argentina yığmaları da 1/4 finala vəsiqəni təmin ediblər. Dünya çempionatına iyulun 19-da yekun vurulacaq.

Müəllif: Tural Hüseyn (Milli.Az redaktor)