İdman

"Bağışlayın nə olar, gənc idim bilməmişəm"

18 May 2026 22:59
Baxış: 2 869
VTB-də minimal faiz dərəcəsi ilə nağd kredit 9.9%-dən
#ATLETİKO (MADRİD)

"Atletiko Madrid"in əfsanəvi hücumçusu Antuan Qrizmann bazar günü doğma meydanda keçirdiyi son oyundan sonra azarkeşlərə göz yaşları içində vida edib. Bu yay MLS komandası "Orlando Siti"yə qoşulmağa hazırlaşan 35 yaşlı fransalı forvard 2019-cu ildə "Barselona"ya keçidini "səhv" adlandıraraq səmimi bir üzrxahlıq edib.

Milli.Az xəbər verir ki, "Atletiko"nun "Xirona" üzərində 1:0 hesablı qələbəsindən sonra təşkil edilən vida mərasimində Qrizmann mikrofona yaxınlaşaraq tribunaları dolduran azarkeşlərə müraciət edib. Klubun bütün zamanların ən məhsuldar oyunçusu olmasına baxmayaraq, o, yeddi il əvvəlki qalmaqallı 120 milyon avroluq transferi ilə bağlı ürəyini boşaltmaq ehtiyacı hiss edib.

"Hamınıza burada qaldığınız üçün təşəkkür edirəm. Bu, heyrətamizdir. Bilirəm ki, çoxunuz artıq bağışlamısınız, bəziləriniz isə hələ də yox, amma mən ("Barselona"ya keçdiyim üçün) yenidən üzr istəyirəm. Burada nə qədər sevildiyimi dərk etməmişdim. Çox gənc idim və bir səhv etdim. Sonradan ağlım başıma gəldi və burada yenidən həyatdan zövq almaq üçün əlimizdən gələni etdik."

İki ayrı dövrdə "Atletiko" formasını geyinən və klubun tarixinə adını qızıl hərflərlə yazdıran Qrizmann bu vida ilə Madrid təmsilçisindəki karyerasını tamamlamış oldu. O, artıq karyerasının növbəti mərhələsini ABŞ-də, "Orlando Siti" heyətində davam etdirəcək.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.