İdman

Əli Kəriminin əmlakları müsadirə edildi

12 May 2026 21:39
Baxış: 2 451
VTB-də minimal faiz dərəcəsi ilə nağd kredit 9.9%-dən
#FUTBOL

İran hakimiyyəti milli komandanın və Almaniyanın "Bavariya" klubunun sabiq yarımmüdafiəçisi Əli Kərimiyə məxsus 6 daşınmaz əmlakı dövlət xeyrinə müsadirə edib.

Milli.Az Qaynarinfo-ya istinadən xəbər verir ki, məhkəmə qərarı əsasında Əli Kərimiyə məxsus 2 kommersiya obyekti və 4 yaşayış evi dövlət mülkiyyətinə keçirilib. Məlumat İranın "Mizan" xəbər agentliyi tərəfindən də təsdiqlənib.

Bildirilir ki, Əli Kərimi uzun müddətdir İrandan kənarda yaşayır və ölkə rəhbərliyini açıq şəkildə tənqid edən şəxslər sırasında yer alır. O, sosial şəbəkələrdə hökumət əleyhinə etirazlara dəstək verib, həmçinin 1979-cu il İslam İnqilabından əvvəlki monarxiya dövrünə simpatiya göstərən açıqlamalarla gündəmə gəlib.

İran hakimiyyəti daha əvvəl bəyan etmişdi ki, milli təhlükəsizlik üçün təhdid hesab edilən şəxslərin əmlakları daxili etirazlar və beynəlxalq gərginlik fonunda müsadirə edilə bilər.

Qeyd edək ki, Əli Kərimi əslən Cənubi Azərbaycandandır və futbolçu karyerası ərzində İranın "Persepolis", BƏƏ-nin "Əl-Əhli", Almaniyanın "Bayern" və Qətər klublarında çıxış edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.