İdman

Arbeloa Valverde və Tçuameni arasındakı davaya aydınlıq gətirdi

9 May 2026 19:01
Baxış: 1 240
VTB-də minimal faiz dərəcəsi ilə nağd kredit 9.9%-dən
#REAL MADRİD

"Real Madrid" klubunun baş məşqçisi Alvaro Arbeloa komandanın yarımmüdafiəçiləri Federiko Valverde və Orelen Tçuameni arasında baş vermiş əlbəyaxa dava ilə bağlı yayılan məlumatlara rəsmi münasibət bildirib.

Milli.Az oxu.az-a istinadən xəbər verir ki, Arbeloa "Real Madrid" klubu ilə qürur duyduğunu deyib.

"Vurğulamaq istədiyim iki vacib məqam var. Birincisi, klubun qətiyyəti, operativliyi və şəffaflığı ilə çox qürur duyuram. İkincisi isə, futbolçular öz səhvlərini etiraf etdilər, peşman olduqlarını bildirdilər və üzr istədilər - bu, mənim üçün tamamilə yetərlidir. Mən onları ictimaiyyət qarşısında çarmıxa çəkməyəcəyəm, çünki onlar buna layiq deyillər. Son dörd ay ərzində onlar mənə "Real Madrid"in futbolçusu olmağın nə demək olduğunu nümayiş etdirdilər və mən bunu unutmayacağam", - deyə mütəxəssis qeyd edib.

Baş məşqçi sözlərinə belə davam edib:

"Valverde və Tçuameni bu klub uğrunda mübarizəni davam etdirmək üçün onlara şans verilməsinə və bizim irəliləməyimizə layiqdirlər. Onlarla çox qürur duyuram. Bu vəziyyətdən istifadə edərək onların peşəkarlığının şübhə altına alınmasına imkan verməyəcəyəm. Onların qeyri-peşəkar olması və mənə qarşı hörmətsizlik etmələri barədə gəzən şayiələr mütləq yalandır. Bəzi futbolçuların mənimlə problemləri olduğuna görə oynamaması fikri də tamamilə yalandır".

Arbeloa klubun uğursuzluğunun məsuliyyətini də öz üzərinə götürüb.

Xatırladaq ki, mayın 7-də məşq zamanı yarımmüdafiəçilər Federiko Valverde və Orelen Tçuameni arasında yaranan şifahi münaqişə sonradan paltardəyişmə otağında əlbəyaxa davaya çevrilib. İnsident nəticəsində uruqvaylı futbolçunun başı yarılıb və o, xəstəxanaya yerləşdirilib. Baş vermiş hadisəyə görə hər iki oyunçu 500 min avro məbləğində cərimə olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.