İdman

Futbol klubu müsadirə edildi - Saxlanılanlar var

17 Fevral 2026 09:55

Baxış: 556

VTB-də minimal faiz dərəcəsi ilə nağd kredit 10.49%-dən

#İDMAN #TÜRKİYƏ #FUTBOL

Türkiyədə qanunsuz mərc oyunlarına qarşı genişmiqyaslı əməliyyat keçirilib.

Milli.Az xəbər verir ki, İstanbul, Ankara, İzmir, Hatay və Diyarbəkir vilayətlərində eyni vaxtda təşkil olunan reydlər zamanı 8 nəfər saxlanılıb, 3 şirkət və "Diyarbekirspor" futbol klubu müsadirə edilib.

İstintaq materiallarına əsasən, klubun keçmiş prezidenti və bəzi rəhbər şəxslərinin qanunsuz mərc saytına sahib olduqları müəyyən edilib. Bildirilir ki, həmin şəxslər bu fəaliyyətlərdən əldə olunan vəsaitləri müxtəlif üsullarla leqallaşdıraraq idman klubu vasitəsilə dövriyyəyə buraxıblar.

Araşdırma İstanbul Polis İdarəsinin Kiber Cinayətlərlə Mübarizə Bölməsi tərəfindən, İstanbul Anadolu Baş Prokurorluğu ilə koordinasiyalı şəkildə aparılıb. Maliyyə izləmələri isə Maliyyə Cinayətləri Araşdırma Şurası (MASAK)nın hazırladığı hesabat əsasında həyata keçirilib.

Məlumata görə, qanunsuz mərcdən əldə edilən gəlirlər klubun mühasibinin və bəzi əməkdaşlarının bank hesabları vasitəsilə klubun rəsmi hesablarına köçürülüb.

Əməliyyat çərçivəsində 3 şirkət, futbol klubu, 6 avtomobil, 3 motosiklet, 7 mənzil, 6 torpaq sahəsi və 1 iş yeri müsadirə olunub. Axtarış zamanı çoxsaylı rəqəmsal materiallar da ələ keçirilib.

Saxlanılan şəxslərlə bağlı istintaq tədbirləri davam etdirilir.

Fidan
Milli.Az