İdman

"Sevgimi xəyanətlə məhv etdim" - FOTO

11 Fevral 2026 10:05

Baxış: 692

VTB-də minimal faiz dərəcəsi ilə nağd kredit 10.49%-dən

#MARAQLI #İDMANÇI

Milan və Kortina d'Ampezzo Qış Olimpiya Oyunlarında 20 kilometrlik fərdi yarışda bürünc medal qazanan norveçli biatlonçu Sturla Holm Leqreyd şəxsi həyatı ilə bağlı diqqətçəkən açıqlama verib.

Milli.Az-ın məlumatına görə, NRK telekanalına danışan idmançı sevgilisinə xəyanət etdiyini etiraf edib. Leqreyd çıxışı zamanı göz yaşlarını saxlaya bilməyib.

O bildirib ki, qazandığı uğuru bölüşmək istədiyi xüsusi bir insan var, lakin həmin şəxs yəqin ki, yarışı izləməyib:

"Altı ay əvvəl həyatımın sevgisini tapdım. O, indiyə qədər tanıdığım ən gözəl və ən mehriban insan idi. Amma üç ay əvvəl ona xəyanət edərək həyatımın ən böyük səhvini etdim", - deyə idmançı bildirib.

Leqreyd qeyd edib ki, bu həqiqəti bir həftə əvvəl sevgilisinə açıqlayıb və həmin günləri həyatının ən ağır dövrü adlandırıb:

"Bu, həyatımın ən pis həftəsi oldu. Son günlər idman belə mənim üçün ikinci plana keçib. Həmişə yaxşı nümunə olmağa çalışmışam, amma böyük bir səhv etdim və indi bunun məsuliyyətini daşımalıyam".

28 yaşlı biatlonçu yarışdan bir gün əvvəl məsələ ilə bağlı açıq danışmaq qərarı verdiyini də vurğulayıb:

"Mənə əsl sevgini yaşamaq şansı verilmişdi və onu öz əllərimlə məhv etdim. Bəlkə də bağışlanmağa layiq deyiləm. Amma mənə onu nə qədər sevdiyimi demək üçün ən kiçik imkan belə versə, canlı yayımda sosial intihar etməyə hazıram", - deyə Leqreyd əlavə edib.

Qeyd edək ki, Sturla Holm Leqreyd fevralın 10-da Olimpiadada fərdi yarış üzrə ilk medalını qazanıb. O, həmçinin yeddiqat dünya çempionu və hazırkı Dünya Kubokunun qalibidir.

Hüseyn
Milli.Az