İdman

Cüdoçularımız “Böyük Dəbilqənin ilk günündə iki medal qazandı - YENİLƏNİB

7 Fevral 2026 22:19

Baxış: 1 029

VTB-də minimal faiz dərəcəsi ilə nağd kredit 10.49%-dən

#CÜDO

Azərbaycan cüdoçuları Fransanın paytaxtı Parisdə keçirilən "Böyük Dəbilqə" turnirinin ilk gününü iki medalla başa vurublar.

Milli.Az-ın məlumatına görə, 66 kq çəki dərəcəsində çıxış edən Ruslan Paşayev bürünc medal qazanıb. Daha əvvəl 60 kq çəki dərəcəsində Balabəy Ağayev qızıl medal əldə etmişdi.

Eyni zamanda, Nazir Talıbov (66 kq) 1/16 final mərhələsində Portuqaliya təmsilçisi Migel Qaqoyaya uduzub.

Qeyd edək ki, "Böyük Dəbilqə" turniri fevralın 8-də başa çatacaq və Azərbaycan bu yarışda səkkiz cüdoçu ilə təmsil olunur.

----------

Azərbaycan cüdoçusu Fransanın paytaxtı Parisdə təşkil olunan "Böyük Dəbilqə" turnirində finala vəsiqə qazanıb.

Milli.Az xəbər verir ki, 60 kq çəki dərəcəsində mübarizə aparan Balabəy Ağayev bu uğura imza atıb. 27 yaşlı idmançı yarımfinal mərhələsində İsrail təmsilçisi İtshak Aşpizə qalib gələrək adını finala yazdırıb.

Eyni çəkidə çıxış edən Ruslan Paşayev yarımfinalda məğlub olduğu üçün üçüncü yer uğrunda görüşdə mübarizə aparacaq. Nazir Talıbov isə 1/16 final mərhələsində Portuqaliya təmsilçisi Migel Qaqoyaya uduzub.

Qeyd edək ki, "Böyük Dəbilqə" turniri fevralın 8-də başa çatacaq. Azərbaycan bu yarışda ümumilikdə səkkiz cüdoçu ilə təmsil olunur.

Milli.Az