İdman

Atalıq instinkti öz sözünü dedi - FOTO

30 Yanvar 2026 22:12

Baxış: 3 237

VTB-də minimal faiz dərəcəsi ilə nağd kredit 9.9%-dən

#FUTBOL

"Feyenoord"un 19 yaşlı futbolçusu, Robin van Persinin oğlu Şakil van Persi Avropa Liqasının qrup mərhələsinin "Betis"ə qarşı keçirilən oyununda ciddi diz zədəsi alıb.

Milli.Az xəbər verir ki, gənc futbolçu oyun zamanı qəfil yerə yıxılıb. Şakil ayağa qalxa bilmədiyi üçün meydanı müstəqil şəkildə tərk etmək iqtidarında olmayıb. Tibbi heyət dərhal müdaxilə edərək onu meydandan xərəkdə çıxarıb.

"Feyenoord"un baş məşqçisi Robin van Persi oğlunun zədələndiyini görən kimi dərhal meydana girərək Şakelin yanına qaçıb. Tibbi heyətdən məlumat alan van Persinin olduqca emosional olduğu müşahidə edilib.

Oyundan sonra danışan Robin van Persi emosiyalarını gizlədə bilməyib: "Bu, çox kədərlidir. Bu, böyük bir ağrıdır. İlkin əlamətlər heç də yaxşı görünmür. Həm məşqçi, həm də ata kimi çox kədərliyəm".

Hələlik futbolçunun zədəsinin dəqiq diaqnozu və nə qədər müddət meydanlardan uzaq qalacağı barədə rəsmi məlumat verilməyib. Adətən belə ciddi diz zədələri uzunmüddətli bərpa prosesi tələb edir.

Şakilin zədəsi ilə yanaşı, "Feyenoord" komandası üçün də Avropa Liqası uğursuz başa çatıb. Klub qrup mərhələsini 29-cu yerdə tamamlayaraq turnirlə vidalaşıb.

Lalə Qüdrətova
Milli.Az