İdman

"Mançester Yunayted"dən gedir

23 Yanvar 2026 10:10
Baxış: 912
VTB-də minimal faiz dərəcəsi ilə nağd kredit 9.9%-dən
#TRANSFERLƏR #MANÇESTER YUNAYTED #FUTBOL #PREMYER LİQA

İngiltərənin "Mançester Yunayted" klubunun yarımmüdafiəçisi Kazemiro mövsüm başa çatdıqdan sonra komandadan ayrılacaq.

Milli.Az xarici mətbuata istinadən xəbər verir ki, bu barədə "qırmızı şeytanlar"ın mətbuat xidməti rəsmi açıqlama yayıb. Braziliyalı futbolçunun klubla mövcud müqaviləsinin yayda başa çatacağı və tərəflərin əməkdaşlığı davam etdirməyəcəyi bildirilib.

Kazemiro "Mançester Yunayted"in heyətində dörd mövsüm çıxış edib. Bu müddət ərzində o, bütün turnirlərdə 146 oyuna çıxaraq 21 qola imza atıb və 13 məhsuldar ötürmə ilə yadda qalıb. Təcrübəli yarımmüdafiəçi klubla birlikdə FA Kuboku və Liqa Kubokunu qazanmağı bacarıb.

Qeyd edək ki, Kazemiro karyerası ərzində "Mançester Yunayted"dən əvvəl Madrid "Real"ı, Portuqaliyanın "Portu" və Braziliyanın "San Paulu" klublarının formasını geyinib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.