İdman

Ronaldonun 70 milyonluq yeni MALİKANƏSİ - FOTOlar

7 Yanvar 2026 11:00

Baxış: 2 270

VTB-də minimal faiz dərəcəsi ilə nağd kredit 9.9%-dən

#MARAQLI #MƏŞHURLAR #KRİŞTİANU RONALDU #SAUDİ ARABİA #VİLLA

Kriştiano Ronaldonun futbol karyerasını başa vurduqdan sonra yaşayacağı dəbdəbəli malikanənin tikintisi tamamlanıb.

Milli.Az Türkiyə mətbuatına istinadən xəbər verir ki, 30 milyon funt sterlinq (təxminən 69 milyon manat) dəyərində olan bu möhtəşəm yaşayış evi üç illik tikinti prosesindən sonra hazır vəziyyətə gətirilib.

8 yataq otağından ibarət olan malikanədə bir neçə hovuz, yeraltı avtomobil dayanacağı, ağıllı istilik sistemi, idman zalı, şəxsi kinoteatr və masaj otağı kimi yüksək komfortlu imkanlar mövcuddur. Ev Portuqaliyanın paytaxtı Lissabondan təxminən 50 kilometr aralıda, sahil ərazisində yerləşir və ölkənin ən iri və ən bahalı şəxsi mülklərindən biri hesab olunur.

Daxili tərtibatda italyan mərməri, qızıl örtüklü kranlar, eləcə də cütlüklər üçün xüsusi hazırlanmış "Louis Vuitton" divar sənət nümunələri diqqət çəkir. Ronaldo eyni zamanda övladları üçün oyun meydançaları və xüsusi çimərlik zonalarının da yaradıldığını bildirib.

Portuqaliya mətbuatının yazdığına görə, bu malikanə ulduz futbolçunun təqaüd sonrası həyat tərzinə tam uyğun şəkildə layihələndirilib və bütün zəruri rahatlıqları özündə birləşdirir.

Xatırladaq ki, karyerası ərzində 5 dəfə "Qızıl top" mükafatını qazanan Kriştiano Ronaldo 1000 qol həddinə çatdıqdan sonra futboldan ayrılacağını açıqlayıb. "Forbes"in məlumatına əsasən, o, futbol tarixində karyerası boyunca 1 milyard dollar qazanan ilk oyunçu kimi də adını tarixə yazdırıb.

Hüseyn
Milli.Az