İdman

Bellinqemdən "Real"a 80 milyonluq tələb

6 Yanvar 2026 10:15
Baxış: 2 015
VTB-də minimal faiz dərəcəsi ilə nağd kredit 9.9%-dən
#TRANSFERLƏR #REAL MADRİD #FUTBOL #PRİMERA #REAL

"Real Madrid"in yarımmüdafiəçisi Cud Bellinqem klub rəhbərliyindən konkret transfer addımı atılmasını istəyib.

Milli.Az-ın xarici mətbuata istinadən yaydığı xəbərə görə, ingilis futbolçu İngiltərə millisinin və "Kristal Pelas"ın yarımmüdafiəçisi Adam Uortonun Madrid klubuna cəlb olunmasını təklif edib.

Məlumata görə, Uorton taktiki intizamı, dəqiq ötürmələri və topsuz oyunda komandaya verdiyi töhfə ilə seçilir. "Kristal Pelas"ın futbolçunu asanlıqla satmaq niyyətində olmadığı bildirilir. Danışıqlarda səslənən məbləğin isə təxminən 80 milyon avro olduğu qeyd olunur.

Bununla belə, "Real Madrid" rəhbərliyi Uortonun yarımmüdafiədə mövcud boşluğu doldura biləcək keyfiyyətlərə sahib olduğuna inanır.

Qeyd edək ki, Adam Uorton bu mövsüm bütün turnirlərdə 24 oyunda forma geyinib və 3 məhsuldar ötürmə ilə yadda qalıb. Onun "Kristal Pelas"la müqaviləsi 2029-cu ilin yayına qədər qüvvədədir.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.