İdman

Hakan Ardanın "İnter"ə transferindən danışdı

21 Mart 2025 14:52
Baxış: 1 152
VTB-də minimal faiz dərəcəsi ilə nağd kredit 9.9%-dən
#TRANSFERLƏR #REAL MADRİD #İNTER #FUTBOL

Türkiyə millisinin kapitanı Hakan Çalhanoğlu UEFA Millətlər Liqasında Macarıstan seçməsini 3:1 hesabı ilə məğlub etdikləri görüşdən sonra Arda Gülerin "İnter"ə keçməsini istədiyini bildirib.

Milli.Az oxu.az-a istinadən xəbər verir ki, ulduz futbolçu "İnter"lə "Real Madrid" arasında danışıqlar müsbət nəticələnsə də, Ardanın İtaliya klubuna keçmək istəmədiyini bildirib.

"Arda çox önəmli bir futbolçu, həm də çox sevdiyim bir qardaşımdır. Bunu hər kəs bilir. Təbii ki, "İnter"ə gəlməsini istəyərəm. Yüksək performanslı futbolçunu hər komanda istəyir. Amma Ardanın "Real Madrid"dəki vəziyyətini tam olaraq bilmirəm. Mən bu məsələyə çox qarışmaq istəmirəm, bu, onun karyerasıdır və qərarları sadəcə özü verə bilər. Mən sadəcə onun daha çox əsas heyətdə meydana çıxmasını istəyirəm. Çünki bu, onun haqqıdır. Ümid edirəm ki, "İnter"ə gələr, amma bunun onun üçün nə dərəcədə doğru qərar olacağını deyə bilmərəm".

Qeyd edək ki, Hakan Çalhanoğlu 2021-ci ildən bu yana "İnter"in formasını geyinir. O, bu komandaya "Milan"dan 35 milyon avro qarşılığında transfer olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.