İdman

Volkan Demirel QOVULDU

3 Fevral 2025 17:26
Baxış: 1 426
VTB-də minimal faiz dərəcəsi ilə nağd kredit 9.9%-dən
#TÜRKİYƏ #TRANSFERLƏR #FUTBOL

Türkiyənin Super Liqa təmsilçisi "Bodrumspor" komandaya yenicə rəhbər gətirdiyi baş məşqçi Volkan Demirellə müqaviləni sonlandırıb.

Milli.Az Türkiyə mətbuatına istinadən xəbər verir ki, klubun verdiyi məlumata görə, Demirel ilə qarşılıqlı razılaşma əsasında yollar ayrılıb. Əldə edilən pis nəticələr rəhbərliyi bu addımı atmağa məcbur edib.

Qeyd edək ki, ötən mövsüm TFF 1. Liqadan tarixində ilk dəfə Super Liqaya yüksələn Muğla təmsilçisi "Bodrum FK" İsmet Taşdemir ilə müqaviləni ləğv edib yerinə Volkan Demirel ilə anlaşmışdı.

Keçmiş qapıçının rəhbərliyi ilə komanda cəmi 2 qələbə qazana bilib. 1 noyabrda vəzifəsinin icrasına başlayan Volkan Demirel klubu 13 matça çıxarıb və 0.77 xal ortalaması ilə oynayıb. Sözügedən oyunlarda 2 qələbə, 4 heç-heçə, 7 məğlubiyyət qeydə alınıb.

Tural
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.