İdman

"Fənərbağça" məşhur futbolçusunu geri qaytarır

23 Dekabr 2024 15:48
Baxış: 2 443
VTB-də minimal faiz dərəcəsi ilə nağd kredit 9.9%-dən
#MARAQLI #TRANSFERLƏR #FƏNƏRBAĞÇA #FUTBOL #TRANSFER

"Fənərbağça" Braziliya "Braqantino"suna icarə verdiyi futbolçusunu geri qaytarır.

Milli.Az Fanatik-ə istinadən xəbər verir ki, Linkolnun geri dönəcəyi açıqlanıb. 26 yaşlı futbolçu 6 yanvarda sarı-lacivərdlilərə qoşulacaq.

"Fənrə"ə daim bağlılığını nümayiş etdirən oyunçu komandaya qayıtdıqdan sonra burada qalıcı olmaq istəyir. Portuqaliyalı baş məşqçisi Joze Mourinyo futbolçunu yaxından izləyərək onun komandada qalıb-qalmayacağına qərar verəcək.

Bildirək ki, "Braqantino" ilə 49 matça çıxan Linkoln bu oyunlarda 2,635 dəqiqə meydanda olub. O, 5 qol və 4 asistlə yadda qalıb.

Qeyd edək ki, 2022-ci ilin yayında 3.5 milyon avroya Portuqaliyanın "Santa Klara" klubundan transfer edilən futbolçu "Fənərbağça"da 36 matçda çıxış edib. Bu oyunlarda 3 qol atıb və 9 asist edib. Onun klubu ilə müqaviləsi isə 2026-cı ilə qədərdir.

Tural 
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.