İdman

“Netflix” Ceyk Pol və Mayk Tyson matçında texniki problemlə üzləşib

16 Noyabr 2024 12:30

Baxış: 1 659

VTB-də minimal faiz dərəcəsi ilə nağd kredit 9.9%-dən

#İDMAN #NETFLİX INC

Bütün dünyanın səbirsizliklə gözlədiyi Ceyk Pol və Mayk Tayson arasında keçirilən boks görüşü təkcə idman aləmində deyil, rəqəmsal platformalar baxımından da unudulmaz günün şahidi olub.

Milli.Az-ın məlumatına görə, "Netflix"in bu tarixi müsabiqəni yayımlamaq planları günün sonunda böyük texniki nasazlıqla başa çatıb. Platforma bütün səylərinə baxmayaraq yayımı tamaşaçıya çatdıra bilməyib və milyonlarla istifadəçi kəsintilərə görə məyus olub.

Matçdan əvvəl başlayan giriş problemləri zamanla daha da ciddiləşib. "Downdetector"un məlumatlarına görə, yüz minlərlə istifadəçi "Netflix"ə daxil ola bilmədiklərini bildirib. Texniki problemlər yayım boyu davam etdi və platforma C.Pol və M.Tyson matçını izləməyə həvəsli olan tamaşaçılara xidmət göstərə bilmədi.

"Netflix"in yayımlaya bilmədiyi matçı milyonlarla insan fərqli üsullarla izləməyi bacarıb. Qeyri-qanuni yayımların linkləri sosial şəbəkələrdə və forumlarda sürətlə yayılaraq milyonlarla baxış toplayıb.

Qeyd edək ki, qarşılaşma gözlənildiyi kimi maraqlı keçib. 8 raund ərzində hər iki idmançı yüksək səviyyədə çıxış edib. C.Polun dinamikliyi və gəncliyi M.Taysonun təcrübəsindən üstün oldu və hakimin qərarı ilə C.Pol 79:73 hesabı ilə qalib elan edildi. Qarşılaşmadan sonra hər iki idmançı bir-birlərinə hörmət etdiklərini bildirib, dostluq mesajları veriblər.

İlqar Şabanov
Milli.Az