UEFA Avropa Liqası: "Qarabağ" "Tottenhem"ə məğlub olub - YENİLƏNİB

​******
​01:29

"Qarabağ" UEFA Avropa Liqasında İngiltərənin "Tottenhem" klubuna məğlub olub.

Milli.Az xəbər verir ki, "Tottenhem Hotspur" stadionunda keçirilən Liqa mərhələsinin I turununun oyunu meydan sahiblərinin 3:0 hesablı qələbəsi ilə yekunlaşıb.

Matçda hesabı 12-ci dəqiqədə Brennan Conson açıb. 53-cü dəqiqədə Pap Matar Sarr hesab arasındakı fərqi iki topa çatdırıb. Qarşılaşmada yekun hesabı isə 69-cu dəqiqədə adını tabloya yazdıran Dominik Solanke müəyyənləşdirib.

Qeyd edək ki, görüşün 7-ci dəqiqəsində londonlular Radu Drequşinin qırmızı vərəqə almasının ardından meydanda azlıqda qalıb. 58-ci dəqiqədə isə "köhlən atlar"dan Toral Bayramov penalti zərbəsindən yararlana bilməyib.

"Qarabağ" UEFA Avropa Liqasının Liqa mərhələsinin II turunda, oktyabrın 3-də İsveç təmsilçisi "Malmö" ilə qarşılaşacaq. Qarşılaşma Tofiq Bəhramov adına Respublika stadionunda keçiriləcək.

​******
​01:10

Solanke 68-ci dəqiqədə fərqi daha da artırdı: 3-0.

******
​00:40

UEFA Avropa Liqasının Liqa mərhələsinin I turunun "Tottenhem" (İngiltərə) - "Qarabağ" oyununda ikinci hissə başlayıb.

Milli.Az xəbər verir ki, "Tottenhem Hotspur" stadionundakı matçın 12-ci dəqiqəsində meydan sahiblərinin heyətində Brennan Conson fərqlənib.

Qeyd edək ki, London təmsilçisi meydanda 10 nəfərlə mübarizə aparır. 7-ci dəqiqədə Radu Drequşin qırmızı vərəqə ilə cəzalanıb.

******
​23:51

"Tottenhem"-"Qarabağ" qarşılaşması start götürdü.

***

Drequşin 8-ci dəqiqədə Juninyoya qarşı kobudluğa görə birbaşa qırmızı vərəqə alaraq komandasını meydanda azlıqda qoydu.

Canlı yayımı təqdim edirik:

******
23:11

Avropa Liqasının Liqa mərhələsinin "Tottenhem" - "Qarabağ" oyununun vaxtı dəyişdirilib.

Milli.Az APA-ya istinadən xəbər verir ki, matçın keçiriləcəyi Londonda yaranan böyük tıxac təmsilçimizin qarşılaşmanın baş tutacağı "Tottenhem Hotspur" stadionuna planlaşdırılan vaxtda çata bilməsinə mane olub.

Buna görə də UEFA nümayəndələri görüşün Bakı vaxtı ilə 23:00 deyil, 23:35-də start götürməsinə qərar veriblər.

Milli.Az
​Xəbərlərimizi WhatsApp kanalımızdan da oxuyun