İdman

Ağırlıqqaldıranımız Avropa çempionatında 3 medal qazandı

18 İyun 2024 22:18

Baxış: 802

VTB-də minimal faiz dərəcəsi ilə nağd kredit 9.9%-dən

#AĞIRLIQ QALDIRMA

Azərbaycan ağırlıqqaldıranı Elman Kurdanov Yunanıstanın Saloniki şəhərində keçirilən 15 və 17 yaşadək yeniyetmələr arasında keçirilən Avropa çempionatında 3 medal qazanıb.

Milli.Az xəbər verir ki, Azərbaycan Ağırlıqqaldırma Federasiyasındanverilən məlumata görə, atlet birdən qaldırma hərəkətində 100 kq-ı ram edərək Avropa birinciliyinin bürünc medalına sahib çıxıb.

Təkanla qaldırma hərəkətində isə 124 kq-ı baş üzərinə qaldıran idmançı gümüş medal əldə edib. Toplam 224 kq (100+124) nəticə ilə Elman yekun sıralamada da gümüş medal qazanıb.

Qeyd edək ki, yarışda 38 ölkədən 415 (198 qız + 217 oğlan) idmançı iştirak edir.

Milli.Az
Xəbərlərimizi WhatsApp kanalımızdan da oxuyun