İdman

“Bayer” Bakıya yeni rekordla gələcək

4 Mart 2024 12:35
Baxış: 582
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Bayer" Almaniya Bundesliqasında rekordunu yeniləyib.

Milli.Az İdman.Biz-ə istinadən bildirir ki, Xabi Alonsonun komandası bu uğura 24-cü turun "Köln"lə oyununda imza atıb.

Rəqibinə 2:0 hesabı ilə qalib gələn leverkuzenlilər məğlublubiyyətsiz oyunlar seriyasını 34-ə yüksəldiblər. Onlar 30 matçda qələbə qazandıqları halda, 4 dəfə heç-heçə ediblər.

Komanda ispaniyalı mütəxəssisin rəhbərliyi altında son 50 matçında 33 dəfə meydandan 3 xalla ayrılıb ki, bu da Bundesliqa tarixində 3-cü ən yaxşı göstəricidir. İlk pillədə Pep Qvardiola qərarlaşıb. O, "Bavariya" ilə 42 dəfə meydandan qalib ayrılıb. İkinci yeri isə eyni komanda ilə 40 qələbə qazanan Hans-Diter Flik tutur.

Qeyd edək ki, Avropa Liqasında 1/8 final mərhələsində "Qarabağ"ın rəqibi olan almaniyalılar martın 7-də Bakıya səfər edəcəklər. Cavab qarşılaşması isə 1 həftə sonra Almaniyada keçiriləcək.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.