İdman

Azarkeşləri “Turan Tovuz”u ziyana saldılar

27 Fevral 2024 16:00

Baxış: 572

#AZƏRBAYCAN FUTBOLU #FUTBOL #CƏRİMƏ #PREMYER LİQA

İntizam Komitəsinin növbəti iclası keçirilib.

Milli.Az xəbər verir ki, bu gün keçirilən iclasda Premyer Liqanın 24-cü turunun oyunları ilə bağlı aşağıdakı qərarlar qəbul edilib:

"Kəpəz" - "Qəbələ" oyununda "Qəbələ" klubunun 4 futbolçusu sarı vərəqə aldığına görə "Qəbələ" 700 manat cərimə edilib.

"Kəpəz" - "Qəbələ" oyununda "Qəbələ" klubunun azarkeşləri tərəfindən oyunun rəsmi şəxslərinin ünvanına kütləvi şəkildə təhqiramiz ifadələrin səsləndirildiyinə, və bu hal cari mövsümdə ilk dəfə yaşandığına görə "Qəbələ" klubuna xəbərdarlıq edilib.

"Turan Tovuz" - "Neftçi" oyununda "Turan Tovuz" klubunun azarkeşi tərəfindən meydançaya kənar əşya atıldığına görə "Turan Tovuz" klubu 800 manat cərimə edilib.

"Turan Tovuz" - "Neftçi" oyununda "Turan Tovuz" klubunun azarkeşləri tərəfindən rəqib komandanın ünvanına kütləvi şəkildə təhqiramiz ifadələrin səsləndirildiyinə və bu hal cari mövsümdə 3-cü dəfə yaşandığına görə "Turan Tovuz" klubu 1000 manat cərimə edilib.

"Turan Tovuz" - "Neftçi" oyununda qonaq komandanın azarkeşlərinin olduğu sektorda sındırılmış 6 ədəd oturacağa görə stadiona dəymiş zərər "Neftçi" klubu tərəfindən ödəniləcək.

"Səbail" - "Sabah" oyununda "Səbail" klubunun 4 futbolçusu sarı vərəqə aldığına görə "Səbail" klubu 700 manat cərimə edilib.

Milli.Az
Xəbərlərimizi WhatsApp kanalımızdan da oxuyun