İdman

Məşhur braziliyalı futbolçu “Survivor”a qatıldı - FOTO

22 Fevral 2024 15:42

Baxış: 1 500

VTB-də minimal faiz dərəcəsi ilə nağd kredit 9.9%-dən

#TÜRKİYƏ #FUTBOL #BRAZİLİYA

Dünya futbolunun ən tanınmış simalarından olan Ronaldinyo Türkiyənin "Survivor" yarışmasında iştirak edib.

Milli.Az oxu.az-a istinadən xəbər verir ki, Dominikan Respublikasında keçirilən və Acun İlıcalının aparıcılığını etdiyi "Survivor-2024 All Star"a qonaq qismində gələn Ronaldinyo ayaq voleybolunda bacarığını nümayiş etdirib.

Acun İlıcalı və keçmiş futbolçu Sercan Yıldırımla eyni meydançanı paylaşan braziliyalı ulduz sosial mediada gündəm olub.

Daha əvvəl iki dəfə FIFA-nın "Dünyada ilin futbolçusu" və "Qızıl Top" mükafatını qazanan Ronaldinyo türk iştirakçılarla görüşdən məmnun olduğunu deyib.

"Burada olmaqdan çox xoşbəxtəm. Hər zaman gələ bilərəm", - deyə o qeyd edib.

Ronaldinyonun oyunda qazandığı xallar tamaşaçıları heyran qoyub.

Acun İlıcalı Ronaldinyo ilə bir neçə ildir görüşdüklərini bildirib.

"Keçən ay ofisimizə gəldi. Bir az söhbət etdik. Etdiyimiz işləri izləyir. Ona təklif etdim və "Survivorda ayaq voleybolu oynayaq, nə deyirsən?" dedim. Dərhal razılaşdı", - deyə İlıcalı qeyd edib.

Milli.Az
Xəbərlərimizi WhatsApp kanalımızdan da oxuyun