PUL
Dünya klublarının Afrika Millətlər Kubokundakı faydalılıq reytinqi açıqlanıb.
Milli.Az İdman.Biz-ə istinadən bildirir ki, cədvələ turnirdə futbolçusu çıxış edən 385 klub yer alıb.
Azərbaycan çempionu "Qarabağ" da siyahıya daxil edilib. Ağdam klubunun futbolçusu Patrik Andrade Kabo-Verde millisi ilə yarışda iştirak edib.
Onun faydalılıq əmsalı 11,151 ilə qiymətləndirilib. "Qarabağ" bu göstərici ilə Afrikada 141-ci olub.
Siyahıya "Nottinhem Forest" başçılıq edir. İngiltərə klubunun 6 futbolçusunun ümumi reytinqi 93,017-ə bərabər olub. CAR-ın "Mamelodi Sandauns" klubunun 11 futbolçusu 87,544, Fransa "Marsel"inin 7 üzvü 79,908 xal toplayıb.
Qeyd edək ki, Patrik turnirdə keçirdiyi 2 oyunda 125 dəqiqə meydanda olub. O, CAR-la matçın penaltilər seriyasında komandasının sonuncu zərbəsini qaçırmaqla məğlubiyyəti rəsmiləşdirib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
