Rusiya

Niyaz Zahidov Rusiya vətəndaşlığından 7 ay əvvəl çıxarılıbmış

13 Dekabr 2025 21:13
Baxış: 1 460
VTB-də minimal faiz dərəcəsi ilə nağd kredit 9.9%-dən
#RUSİYA

Rusiyanın Voronej vilayətində saxlanılan azərbaycanlı Niyaz Əzim oğlu Zahidovun Rusiya Federarsiyası vətəndaşlığından bu ilin iyun ayında çıxarıldığı məlum olub.

Milli.Az APA-ya istinadən bildirir ki, Zahidovun Rusiya vətəndaşlığına Daxili İşlər Nazirliyinin Voronej vilayəti üzrə Baş İdarəsinin 3 iyun 2025-ci il tarixli qərarı ilə xitam verilib.

Zahidovun məlum qərardan üç ay müddətində yuxarı instansiya orqanına şikayət etmək imkanı olub.

Voronejdəki Azərbaycan diasporunun rəhbəri Mehdi Mehdiyev APA-nın Rusiya bürosuna açıqlamasında Zahidova bir neçə il bundan qabaq da xüsusi təyinatlı polis dəstəsinin-OMON-un əməliyyat keçirdiyini, onun doğum günü tədbirinə basqın etdiyini söyləyib.

Diaspor rəhbəri Zahidovun Azərbaycan Respublikasının vətəndaşlığının olmadığını söyləyib. Bildirib ki, Zahidov bir müddət əvvəl Azərbaycandan da deportasiya olunub:

Bu yaxınlarda onun qardaşı rəhmətə getmişdi. Azərbaycana getdi, amma buraxmadılar. Oradan da deportasiya olunub. İndi Rusiya tərəfi də onun vətəndaşlığını ləğv edib. Evinə gəlib bildiriblər ki, vətəndaşlığı əlindən alınıb".

M.Mehdiyev ümumilikdə, Voronejdə diasporla bağlı vəziyyətin sakit olduğunu vurğulayıb.

Qeyd edək ki, Rusiya mətbuatı xüsusi təyinatlı polis dəstəsi-SOBR-un Voronejdəki azərbaycanlılara qarşı əməliyyat keçirdiyi haqqında məlumat yayıb. Əməliyyatın videosundan məlum olur ki, bir neçə həmyerlimiz xüsusi təyinatlı polis dəstəsi tərəfindən üzü üstə yerə yıxılıb. Saxlanılanlardan birinin Zahidov Niyaz Əzim oğlu olduğu bildirilib.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.