Ölkə

Bakının keçmiş merinin tanınmış musiqiçi qızı vəfat etdi - FOTO

13 Dekabr 2025 18:21

Baxış: 687

VTB-də minimal faiz dərəcəsi ilə nağd kredit 10.49%-dən

#BAKI #MUSİQİ #MÜƏLLİM

Azərbaycanın tanınmış musiqi müəllimi Tamilla Rəhimova 77 yaşında vəfat edib.

Milli.Az xəbər verir ki ,bu barədə "Yeni Sabah"a onun yaxınları məlumat verib.

Bildirilib ki, son illərdə T.Rəhimovanın gözləri tutulubmuş. O, yaşla bağlı xəstəlikdən dünyasını dəyişib.

Mərhum Bakıda dəfn olunub.

Qeyd edək ki, T.Rəhimovanın iki övladı var. Hər ikisi ABŞ-də yaşayır. Ona görə də analarının dəfnində iştirak edə bilməyiblər. Amma yas mərasimi üçün Bakıya gəlirlər.

Xatırladaq ki, Tamilla Nəcməddin qızı Rəhimova (Əhmədova) 1948-ci il martın 8-də Bakıda anadan olub.

O, tanınmış ictimai-siyasi xadim, Bakı Şəhər Xalq Deputatları Soveti İcraiyyə Komitəsinin (hazırda Bakı Şəhər İcra Hakimiyyəti) keçmiş sədri, Azərbaycan Kommunist Partiyası Nərimanov Rayon Komitəsinin birinci katibi və Azərbaycan SSR Nazirlər Soveti yanında Xarici Turizm İdarəsinin rəisi olmuş Nəcməddin Əhmədovun qızıdır.

T.Rəhimova Azərbaycan Dövlət Mədəniyyət və İncəsənət Universiteti (ADMİU) və Bakı Musiqi Akademiyasında vokal və estradadan dərs deyib.

O, bir çox tanınmış müğənnilərin - Xalq artisti Faiq Ağayev, müğənnilər Təranə Mahmudova, Murad Arif və başqalarının müəllimi olub.

Allah rəhmət eləsin!

Milli.Az