Ərəblər futbolçuların xanımlarını mağazalara buraxmırlar- ŞOK SƏBƏB - FOTOlar

Səudiyyə Ərəbistanının bəzi ulduz futbolçularının sevgililəri və həyat yoldaşları ölkədəki həyatla bağlı səmimi etiraflarını paylaşıblar. 

Milli.Az lent.az-a istinadən bildirir ki, xüsusilə də futbolçuların sevgililəri geyim tərzinə görə yerli sakinlərin aqressiv davranışlarından şikayətləniblər.

Son bir ildə Səudiyyə Ərəbistanında futbol bumu olub. Bir sıra dünya futbol ulduzları səxavətli müqavilə və ömürlərinin sonuna qədər pul qazanmaq imkanı əldə etmək üçün bu ölkəyə köçmək qərarına gəliblər.

Pul, əlbəttə ki, yaxşıdır, amma futbolçuların bir çox sevgililəri və həyat yoldaşları onlar üçün xoşagəlməz bir detaldan şikayətlənirlər. Onlar bu barədə anonimlik şərti ilə "Daily Mail" ilə paylaşıblar.

"Səudiyyə Ərəbistanında xaricdən gələn qadınlar üçün çox çətindir, xüsusən də yerli sakinlər sizin uyğun geyinmədiyinizi düşünürsə. Bir dəfə çiyinlərim və ayaqlarımın bir hissəsi göründüyü üçün mənə qışqırdılar.

Hava isti olsa da, ictimai yerlərdə şortik geyinməyimiz qadağandır. Onları çimərlikdə belə geyinə bilməzsən. Əgər onu geyinsən, insanlar sənə nifrətlə baxırlar. Bu, çox qorxuludur", - onlardan biri bildirib.

Futbolçulardan birinin başqa bir yoldaşı hətta geyiminə görə ticarət mərkəzinə buraxılmayanda belə bir təcrübə yaşadığını söyləyib:

"Ticarət mərkəzlərinə yalnız üst qollarım və çiyinlərim örtülmədiyi, sinəmin bir hissəsi göründüyü üçün jilet geyindiyim üçün buraxılmadım. İnsanlar deyirdilər ki, mən düzgün geyinəndən sonra qayıda bilərəm. Bəzən qadınlar sizi təhqir edir və bu, çox qorxulu ola bilər.

Qadınlara gəlincə, mədəniyyət çox fərqlidir və onlar çox sərtdirlər. Düzgün örtülməsəniz, çölə çıxanda problemlə üzləşə bilərsiniz", - o əlavə edib.

Üçüncüsü Səudiyyə Ərəbistanındakı evinizdən çıxarkən ehtiyatlı olmağınız barədə xəbərdarlıq edir:

"Siz Qərbdəki kimi təbii davrana bilməzsiniz. Hər dəfə qapıdan bayıra çıxanda ehtiyatlı olmalısan, ona görə də adətən çölə çıxmırsan", - o vurğulayıb.

Qızların anonimliyi həm də Səudiyyə Ərəbistanının ölkə və ya dinin tənqidi ilə bağlı sərt qanunları ilə bağlıdır. Bunun üçün cinayətkar beş ilədək həbs cəzası və ya 600 min funt sterlinqdən çox cərimələnə bilər və ölkədən deportasiya olunmaq riski də var.

Xatırladaq ki, Səudiyyə Ərəbistanının qanunlarından biri nikahsız cütlüklərin birlikdə yaşamasını qadağan edir. Bu, əcnəbilərə də aiddir. Lakin Səudiyyə futbolunun əsas ulduzu Kriştiano Ronaldo üçün istisna edilib, ona görə də o, birlikdə uşaqları olan sevgilisi Corcina Rodriqes ilə yaşayır.

Milli.Az

Xəbərlərimizi WhatsApp kanalımızdan da oxuyun