İdman

“Real Madrid” İspaniya çempionatında məğlubiyyətsizlik seriyasını 12 matça çatdırdı

22 Dekabr 2023 06:56
Baxış: 669
VTB-də minimal faiz dərəcəsi ilə nağd kredit 10.49%-dən

"Real Madrid" ardıcıl 12 matçdır İspaniyanın futbol üzrə çempionatında uduzmur.

Milli.Az report.az-a istinadən xəbər verir ki, Madrid klubu 9 oyunda qalib gəlib, üç dəfə heç-heçə edib.

Xatırladaq ki, İspaniya çempionatının XVIII turunun matçında "Alaves" "Real"ı qəbul edib. Vitoriyada, "Mendisorroza" stadionunda baş tutan görüş qonaqların 1:0 hesablı qələbəsi ilə başa çatıb.

"Real"a qələbə qazandıran qolu 92-ci dəqiqədə Lukas Vaskes vurub. Qeyd edək ki, "Real" Naço Fernandezin meydandan qovulmasından sonra 54-cü dəqiqədən azlıqda çıxış edib.

Xatırladaq ki, "Real" 45 xal toplayaraq İspaniya çempionatının turnir cədvəlində birinci pilləyə qayıdıb. İkinci pillədə qərarlaşan "Jirona" da eyni xala malikdir. "Alaves" isə öz növbəsində 16 xalla turnir cədvəlinin 15-ci pilləsində qərarlaşıb.

İspaniya çempionatının növbəti turunda "Alaves" "Real Sosyedad", "Real" isə "Malyorka" ilə qarşılaşacaq. Qarşılaşmalar müvafiq olaraq yanvarın 2-də və 3-də baş tutacaq.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.