PUL
.jpg)
İngiltərə Çempionşipdə çıxış edən "Hall Siti"nin türkiyəli sahibi Acun Ilıcalı artıq qış transfer pəncərəsinin ilk transferini reallaşdırdıqlarını açıqlayıb.
Milli.Az baku.ws-ə istinadən xəbər verir ki, o, bu barədə BBC-yə verdiyi açıqlamada bildirib:
"Artıq bir futbolçu ilə qış transfer pəncərəsi üçün razılaşdıq. Transfer dövrünün ilk günlərində bunu rəsmən açıqlayacağıq. Azarkeşlərimizi sevindirəcək 2-3 transfer də etmək istəyirik".
Futbolun əyləncə oyunu olduğunu bildirən türkiyəli iş adamı qapalı matçlara nifrət etdiyini deyib:
"0:0 hesabı ilə bitən matçlar mənlik deyil. Liam Rosenior komandanın çalışdırıcısı olduqdan sonra 3 və ya 4 matçımız 0-0 bitib. Futbol bir əyləncə oyunudur".
Qeyd edək ki, "Hall Siti" İngiltərə çempionatında 22 matçda 10 qələbə, 6 məğlubiyyət və 6 heç-heçə edib. "Narıncı-qaralar" 36 xalla 6-cı pillədə qərarlaşıb.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
_287867.jpg)
