İdman

Azərbaycanlı futbolçunun komanda yoldaşı oyun zamanı vəfat etdi

11 Noyabr 2023 19:56

Baxış: 1 758

#HADİSƏ #FUTBOL

Azərbaycan millisinin futbolçusu Vüsal İsgəndərlinin çıxış etdiyi "Eqnatiya" klubunun hücumçusu Rafael Dvamena oyun vaxtı vəfat edib.

Milli.Az AZƏRTAC-a istinadən bildirir ki, qanalı forvard Albaniya Superliqasının XIII turunda bu gün "Partizani"yə qarşı keçirilən matçın 24-cü dəqiqəsində huşunu itirərək yerə yıxılıb.

28 yaşlı oyunçu təcili tibbi yardım maşını ilə dərhal xəstəxanaya çatdırılsa da, onun həyatını xilas etmək mümkün olmayıb. Futbolçunun ürəktutmadan öldüyü bildirilib.

Rafael Dvamenanın ürəyinə 2020-ci ildə kardioverter-defibrillyator cihazı quraşdırılıb.

Qeyd edək ki, Vüsal İsgəndərli cari mövsümün əvvəlindən "Eqnatiya" komandasında çıxış edir.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ