İdman

İtaliya futbolunda 67 il idi belə hal olmurdu

20 Sentyabr 2022 08:12
Baxış: 1 172
VTB-də minimal faiz dərəcəsi ilə nağd kredit 9.9%-dən
#FUTBOL

Futbol üzrə İtaliya A Seriyasının 7-ci turu nəhənglərin məğlubiyyəti ilə əlamətdar olub.

Milli.Az "qafqazinfo"-ya istinadən xəbər verir ki, "Yuventus"un səfərdə "Montsa"ya (0:1), "İnter" isə "Udineze"yə (1:3) uduzduğu turda, "Milan"la "Roma" da müvafiq olaraq "Napoli" (1:2) və "Atalanta" (0:1) ilə ev oyunlarından məğlub ayrılıb.

Hesabat turunda baş tutan bu oyunların nəticəsi 67 il sonra gələn bir ilki rəsmiləşdirib. Belə ki, İtaliyanın 4 böyük klubunun eyni gündə məğlub olmasına sonuncu dəfə məhz 67 il öncə rast gəlinmişdi. Bu, 1955-ci ilin 13 fevralında qeydə alınmışdı.

Qeyd edək ki, A Seriyasında 7 turdan sonra 17 xala malik "Napoli" və "Atalanta" zirvəyə şərikdirlər. "Udineze" 16 xalla üçüncü pillədə qərarlaşıb. "Latsio" və "Milan"ın 14, "Roma"nın 13, "İnter"in 12, "Yuventus"la "Torino"nun 10 xalı var.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.