Cəmiyyət

Qəhvə hər kəs üçün uyğun deyil - Ekspert səbəbi izah etdi

20 İyun 2026 09:16

Baxış: 376

VTB-də minimal faiz dərəcəsi ilə nağd kredit 9.9%-dən

Kasnı (çikoriy) ürək döyüntüsü və ritm pozuntusu yaşayan, lakin qəhvədən imtina etmək istəməyənlər üçün alternativ içki hesab olunur.

Milli.Az xəbər verir ki, Diyetoloq Natalya Denisovanın sözlərinə görə, gündəlik qəhvə norması dörd fincana qədər olsa da, bəzi insanlar az miqdarda kofeinə belə həssas reaksiya verirlər. Bu zaman ürəkdöyünmə, baş ağrısı və təzyiqdə qısamüddətli yüksəlmə müşahidə oluna bilər.

Mütəxəssis bildirib ki, qəhvə içdikdən sonra narahatlıq hiss edən şəxslər kasnı içkisini sınaqdan keçirə bilərlər. Qəhvəyə bənzər dada malik olan bu bitki içkisi kofein ehtiva etmədiyindən orqanizmi həddindən artıq stimullaşdırmır və qan təzyiqinin artmasına səbəb olmur.

Denisovanın sözlərinə görə, kasnının tərkibində olan inulin maddəsi qan şəkərinin tənzimlənməsinə müsbət təsir göstərir və diabet xəstələri üçün də uyğun hesab olunur.

Diyetoloq qəhvə sevənlərə təbii qəhvəyə üstünlük verməyi tövsiyə edib. Onun fikrincə, hazır qəhvədə antioksidantların miqdarı olduqca azdır.

Müəllif: Malik Məlikov (Milli.Az redaktor)