İdman

Şok: Bu oyunlar 91:1 və 95:0 hesabı ilə yekunlaşdı

6 İyul 2022 23:03
0 Şərh     Baxış: 1 552
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sierra Leone Futbol Federasiyası ölkənin yüksək liqasının seçmə mərhələsinin son turunda "Qulf"un "Livan Kokima"ya 91:1 hesabı ilə qalib gəldiyi və "Reyncers"in "Kokima Biq"i 95:0 hesablı məğlub etdiyi matçlar barədə araşdırma başladıb.

Milli.Az qol.az-a istinadən xəbər verir ki, sözügedən qələbələr Sierra Leone futbol tarixindəki ən böyük nəticələr olub.

Görüşlərin ilk hissəsində müvafiq olaraq 7:1 və 2:0 hesabı qeydə alınıb. Lakin qalib komandalar ikinci hissədə qeyri-adi oyun nümayiş etdiriblər və rekord hesabla qələbə qazanıblar. Eyni zamanda "Qalf" və "Livan Kokima" arasındakı matçın hakimi ikinci hissəyəni idarə etməkdən imtina edib və əvəzlənib.

Hər iki nəticə oyunların müqavilə xarakterli olması ilə bağlı şübhələrə görə ləğv edilib. Sierra Leone Futbol Federasiyası hadisə ilə bağlı hər 4 klubun oyunçuları və nümayəndələrini, eləcə də hakimləri araşdıracağını bildirib.

Sierra Leone Futbol Federasiyasının rəhbəri Tomas Daddi Brima məsələ ilə əlaqədar açıqlamasında deyib: "Biz dayanıb belə biabırçı vəziyyətin cəzasız qaldığını görə bilmərik".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.