İdman

Bakıda atıcılıq üzrə Dünya Kubokunun açılışı keçirilib

28 May 2022 23:36
0 Şərh     Baxış: 969

Mayın 28-də Bakıda atıcılıq üzrə Dünya Kubokunun açılışı keçirilib.

Açılışı Azərbaycan gənclər və idman nazirinin müavini Mariana Vasilyeva edib.

M.Vasilyeva Azərbaycana gələn qonaqları salamlayaraq, ölkədə atıcılıq idman növünə marağın olduğunu bildirib və bu mötəbər yarışın Bakıda keçirilməsindən qürur duyduğunu qeyd edib.

Nazir müavini bu günün Azərbaycanın Müstəqillik Günü olduğunu da vurğulayaraq, bu vacib bayramda ölkəmizdə olduqlarına görə iştirakçılara təşəkkürünü bildirib. Mariana Vasilyeva bu gün müstəqil Azərbaycanın ilk Olimpiya çempionu olan Zemfira Meftahətdinovanın doğum günü olduğunu bildirərək, onu təbrik edib.

Azərbaycan Atıcılıq Federasiyasının baş katibi Emin Cəfərov yarış iştirakçılarına uğur arzulayıb.

Beynəlxalq Atıcılıq İdman Federasiyasının prezidenti Vladimir Lisin Dünya Kubokunun Bakıda keçirilməsinin Azərbaycan Respublikası Prezidentinin ölkə idmanına diqqət və qayğısının göstəricisi olduğunu qeyd edib.

"Biz bilirik ki, atıcılıq idman növünə ölkədə marağın olması böyük zəhmətin və diqqətin nəticəsidir", - Federasiya prezidenti gənclər və idman nazirinə, Azərbaycan Atıcılıq Federasiyasının prezidentinə turnirin təşkilinə görə təşəkkür edib.

Tədbirin rəsmi açılışı mərasimindən sonra Dünya Kubokunun seçmə mərhələ atışları keçirilib. 29 may-7 iyun tarixləri arasında final yarışları baş tutacaq

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics