İdman

"Məğlub olacağımızı gözləyirdik" - Qurban Qurbanov

8 May 2022 22:58
0 Şərh     Baxış: 5 053
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

"Xeyli sayda qol epizodlarımız oldu. Hətta top dirəkdən də döndü. Heyətdə rotasiya etmişdik. 4-5 oyunluq yükləmədən sonra əsas heyət üzvlərində yorğunluq var idi. Bu gün az oynayanlara üstünlük verdik. Bədavi Hüseynov və Xayme Romeronun zədədən sonra ilk oyunları idi. Bu səbəbdən onları sonadək meydanda saxlamadıq. Özlərini yaxşı tərəfdən göstərdilər".

Milli.Az apasport.az-a istinadən bildirir ki, bunu "Qarabağ"ın baş məşqçisi Qurban Qurbanov evdə "Zirə" ilə qolsuz heç-heçə etdikləri Premyer Liqanın XXVI tur matçından sonra deyib.

O, fikrini bu sözlərlə davam etdirib: "Zirə" də uduzmaq istəmirdi. Komandamdan razı qaldım. Xal itirməyimiz başadüşləndir. Ötən mövsümdə də belə bir şey baş vermişdi. Uzun seriyadan sonra məğlub olacağımızı gözləyirdik. Bu gün yaxşı oyun göstərə bilərdik. Futbolçularım mövsüm ərzində ağır oyunlar keçirib. Rəqibi də qeyd etmək lazımdır. Qol buraxmamaq üçün hər şeyi etdi".

Qurbanov ölkə kubokunun finalında "Zirə" ilə keçiriləcək matça da toxunub: "Xeyli vaxtımız var. İnanıram ki, həmin oyuna optimal heyəti hazırlaya biləcəyik. Qarşıdakı matçlarda bəzi elementləri əldə etməyə çalışacağıq. Hər iki komanda üçün maraqlı görüş olacaq".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.