İdman

Bolqarıstanlı gimnast lentlə hərəkətdə qızıl medal qazandı

24 Aprel 2022 16:32

Baxış: 561

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bolqarıstan təmsilçisi Boryana Kaleyn Bakıda bədii gimnastika üzrə FIG Dünya Kubokunda lentlə hərəkətdə qızıl medal qazanıb.

Milli.Az Trend-ə istinadən xəbər verir ki, idmançı 29.750 xal toplayıb.

Darya Atamanov (İsrail, 29.200 xal) gümüş medalı, bürünc medalı isə Yekaterina Vedeneeva (Sloveniya, 29.000 xal) qazanıb.

Azərbaycan gimnastı Arzu Cəlilova 27,400 xal toplayaraq altıncı yeri tutub.

Aprelin 22-dən 24-dək Bakıda Bədii Gimnastika üzrə Dünya kuboku keçirilir. Azərbaycanın gimnastika növləri üzrə bu il ev sahibliyi etdiyi 5-ci beynəlxalq yarışda 31 ölkədən 42-si fərdi və 84-ü qrup komandasının (14 qrup) üzvü olmaqla 126 gimnast iştirak edir.

Azərbaycan millisi yarışın bütün finallarında təmsil olunur: Arzu Cəlilova halqa, top və lentlə hərəkətlərdə, Zöhrə Ağamirova halqa və gürzlə proqram nümayiş etdirəcək. Qrup çıxışlarında komanda əvvəlcə beş halqa, sonra üç lent və iki topla olan kompozisiya təqdim edəcək. Komandada Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan və Dariya Sorokina yer alıb.

Qeyd edək ki, ötən gün Azərbaycan komandası qrup çıxışlarında çoxnövçülükdə FIG Dünya Kuboku yarışlarının gümüş, bu gün isə beş halqa ilə hərəkətdə qızıl medalını qazanıb.

Milli.Az