İdman

“Qarabağ”ın futbolçusu Ukraynada yaşayan valideynlərinin durumundan danışdı

1 Mart 2022 13:36

0 Şərh Baxış: 1 261

VTB-də yüksək depozit faizleri daha çox qazandırır

"Mən Ukraynanın qərbində yerləşən Xmelnitski vilayətindənəm. Valideynlərim Kiyevdə yaşasa da, hazırda ora təhlükəli vəziyyətdə olduğu üçün Xmelnitskiyə qayıtmalı olublar. Kiyevdə isə hər şey qorxuludur, komendant saatı elan edilib. İnsanlar şəhər bombalandığı üçün sığınacaqlarda, metrolarda qalmalı olurlar. Ümid edirik ki, Ukraynada vəziyyət yaxşıya doğru dəyişəcək".

Milli.Az xəbər verir ki, bunu oxu.az-a millimizin və "Qarabağ"ın futbolçusu Rüstəm Əhmədzadə deyib.

21 yaşlı hücumçu "Qarabağ"da oynadığından Azərbaycandadır. Lakin gənc forvardın valideynləri Ukraynada qalır. O, valideynləri ilə bağlı hazırda hər hansısa təhlükənin olmadığını bildirib:

"Xmelnitski vilayəti Kiyevlə müqayisədə daha təhlükəsiz vəziyyətdədir. Hər gün valideynlərimlə danışıram. Onlar hər gün orada baş verənlərlə bağlı mənə məlumatları verirlər. Dediklərinə görə, hər şey Ukrayna Silahlı Qüvvələrinin nəzarəti altındadır.

Valideynlərim Ukraynadakı Azərbaycan səfirliyinə müraciət etməyiblər. Çünki Ukraynanı tərk etmək istəmirlər".

Milli.Az