İdman

“Böyük klubda olduğum üçün həyəcanlıyam” - “Qalatasaray”ın yeni baş məşqçisi

12 Yanvar 2022 13:24
0 Şərh     Baxış: 694

"Qalatasaray"ın yeni baş məşqçisi Domenek Torren İstanbula gəlib.

Milli.Az apasport.az-a istinadla bildirir ki, ispaniyalı mütəxəssis hava limanında verdiyi ilk açıqlamada klubla anlaşdığını təsdiqləyib.

60 yaşlı çalışdırıcı "cim-bom"la uzun müddətdir danışıq apardığı ilə bağlı açıqlama vermədiyini də sözlərinə əlavə edib: "Qalatasaray" kimi böyük klubda olduğum üçün sevincli və həyəcanlıyam. Amma mən "Qalatasaray"la uzun müddətdir danışıq aparıram kimi açıqlama verməmişəm".

Torrenin "sarı-qırmızılılar"la mövsümün sonuna qədər müqavilə imzalaması gözlənilir. Həmçinin sözləşməyə "tərəflər məmnun qalarsa, müddət uzadılacaq" bəndi də yer alacaq.

Qeyd edək ki, iki gün əvvəl baş məşqçi Fatih Terimlə vidalaşan "Qalatasaray" 20 turda topladığı 27 xalla turnir cədvəlinin 12-ci pilləsində qərarlaşıb.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.