Cəmiyyət

Tovuzda ana uşağını küçədə yatızdırır? - İDDİA VƏ CAVAB - VİDEO

24 Noyabr 2021 14:42

0 Şərh Baxış: 1 569

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO

Sosial mediada Tovuzda azyaşlı uşağın anası tərəfindən küçədə yatızdırıldığı haqda foto və məlumat paylaşılıb. Qısa müddət ərzində ana və məsələyə biganə olan aidiyyəti qurumlar qınaq obyektinə çevrilib. Bəs reallıq necədir?

Milli.Az Xəzər TV-yə istinadən xəbər verir ki, Aybəniz Qasımovanın 37 yaşı var. Tovuzda, Heydər Əliyev prospektində yerləşən beşmərtəbəli binanın dördüncü mərtəbəsində yaşayır.

Qeyri-rəsmi nikahdan bir övladı var. Sosial şəbəkədə bu ana və övladı haqqında məlumat, foto paylaşılıb ki, anası uşağına qarşı biganədir, onu gecə səhərə qədər küçələrdə yatızdırır. Qadının əqli problemlərinin olduğu da qeyd edilib. Bina sakinləri isə deyilənləri əsassız sayır.

Aybəniz Qasımovanın özü ilə də görüşdük. Deyir ki, anası dünyasını dəyişib. İki bacısı, təqaüddə olan atası var. Aybəniz onun ünvanına səsləndirilən ittihamları qəbul etmir.

"Facebook"da paylaşılan foto və məlumata Tovuz Rayon Polis Şöbəsi münasibət bildirib. Qeyd edilib ki, ana ilə dəfələrə profilaktik söhbət aparılıb.

Daxili İşlər Nazirliyinin mətbuat xidmətindən isə "Xəzər Xəbər"ə bildirilib ki, məsələ ilə bağlı araşdırma aparılır.

Qeyd edək ki, 7 yaşlı oğlan məktəbə getmir.

Mövzu ilə bağlı daha ətraflı videomaterialı təqdim edirik:

Milli.Az