Cəmiyyət

Keyfiyyətli kartof seçmənin və bişirmənin incə məqamları…

2 Dekabr 2021 08:35
0 Şərh     Baxış: 662

Ən çox istifadə olunan tərəvəzlərdən olan kartofun yaxşısı necə seçilir və necə bişirilir?

Kartof növləri

 

Kartof bir neçə növü olan tərəvəzdir. Kartofun ləzzəti də yetişdiyi torpağın növündən, iqlim və qulluq şərtlərindən asılı olaraq dəyişir.

Tərkibindəki nişasta miqdarından asılı olaraq bəzi kartoflar yeməklər üçün, bəziləri də məhz qızartmalar üçün münasibdir.

Nişasta miqdarı aşağı olan kartoflar asan dağılmadığı üçün onlara salatlarda və sobada bişirilən yeməklərdə üstünlük verilir. Orta nişastalı kartoflar bütün reseptlərdə istifadə oluna bilər. Yüksək miqdarda nişastalı olanlar isə toxumalarının quru olması səbəbilə sobada bişilərkən istifadə olunur.

Kartof necə hazırlanır?

Təbii yolla yetişdirilən kartofları bişirərkən qabıqlarını soymayın. Çünki bu tərəvəzlərin vitamin və mineralları qabığındadır. Çiy kartofu soyduqda qaralmasının səbəbi tərkibində olan karbohidratın oksigenlə qarşılıqlı təsiridir. Əgər kartofun qaralmasını istəmirsinizsə, soyuq su içərisində saxlamağınız yetərli olacaqdır.

Bəzi kartoflar qaynadıqdan sonra boz rəng alır. Bu rəng dəyişiminin qarşısını almaq üçün qaynayan suyun içinə bir qaşıq limon suyu əlavə edə bilərsiniz.

Kartof qızartması

Xırtıldayan kartof qızartması hazırlamaq üçün dilimlədiyiniz kartofları 1 saat müddətində soyuq su içərisində və dondurucuda saxlayın. Bundan sonra qurulayaraq bişirin.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics