Cəmiyyət

DİN-dən əşyaları eyvandan küçəyə atan qadınla bağlı AÇIQLAMA - FOTO

27 Oktyabr 2021 21:40

0 Şərh Baxış: 2 606

Sosial şəbəkədə Abşeron Gənclər Şəhərciyində bina evində yaşayan qadının əşyaları həyətə atmasış barədə məlumat yayılıb. İddia olunub ki, qadın ruhi xəstəlikdən əziyyət çəkir.

Milli.Az xəbər verir ki, DİN Mətbuat xidmətinin şöbə rəisi, polis mayoru Elşad Hacıyev Facebook hesabında məsələ barədə paylaşım edib.

"Ev əşyalarını eyvandan tullayan 1978-ci il təvəllüdlü qadın Abşeron Rayon Polis İdarəsinin əməkdaşları tərəfindən həkim nəzarəti ilə idarəyə dəvət olunub.

Hazırda onun müvafiq müalicə mərkəzinə yerləşdirilməsi ilə bağlı iş aparılır. Yaxın dəqiqələrdə ixtisaslaşmış həkim briqadasına təhvil veriləcək. Bu barədə qohumları məlumatlandırılıb.

Qadın həmin ünvanda tək yaşayıb, heç bir təzyiqə və zorakılığa məruz qalmayıb", - o bildirib.

Milli.Az