Dincəlməkdə nə ifrat etmək, nə də təfrit

Həyatımızın ən xoşumuza gələn tərəflərindən biri də gəzintiyə çıxmaq və təbiətin qoynunda dincəlməkdir. Lakin bəziləri bu mövzuda ifrat edir, bəziləri isə təfrit. Bəzən o qədər həddini aşır ki, qalan hədəflər unudulur. Bəzən də o qədər az olur ki, başqa işləri də bir-birinə vurur.

Məsumlardan (ə) gələn hədislər bizə buyurur ki, bu cür halal ləzzətlər nəinki pis deyildir, bəlkə bir zərurətdir. Bu gəzintinin özünü də qürbətən iləllah niyyətilə yerinə yetirmək olar.

İmam Rza (ə) buyurur: "Çalışın ki, zamanınızı dörd hissəyə böləsiniz: Allahla münacat etmək zamanı, ruzi qazanmaq üçün zaman, eyblərinizi sizə tanıda bilən qardaşlarınızla oturub-durmaq zamanı, halal ləzzətlər üçün zaman. Dördüncü hissə ilə qalan üç hissəni yerinə yetirmək gücünə malik olacaqsınız".

Bəli, əgər istirahət və ya gəzinti olmasa, insanın işləmək və təhsil almaq üçün halı qalmaz. Ona görə də dinimiz faydalı idman növlərini bizə tövsiyə edib. Bunlara at sürmək, ox atmaq, üzmək daxildir. Bu idman növlərindən müsabiqələr təşkil edilirdi və hətta Peyğəmbərimiz (s) də belə bunlarda iştirak edərdi. Qalib gələnlər üçün mükafat təyin edilərdi. O zaman qalib gələnlərə ya xurma ağacı, ya da hamilə dəvə verərdilər. Xurma elə ağacdır ki, meyvəsi uzun zaman qalır və yarpaqlarından da istifadə olunur. Dəvənin də həm südündən, həm ətindən, həm də balalarından istifadə olunur.

İslami idmanda kin olmaz. Mehribanlıq və səmimiyyət olmalıdır.

Dinimiz idmanı həm oğlanlar və həm də qızlar üçün zəruri bilir. Ona görə də valideynlərə tövsiyə edir ki, özünü qorumaq üçün uşaqlarınıza ox atmağı və özünü xilas etməyi bacarmaq üçün üzməyi öyrədin.

Pozitiv ovqatda olmağın əhəmiyyəti o qədər böyükdür ki, hətta insana bir çox xəstəliklərdən nicat verə bilər. O ürək ki, həmişə şad və fərəhlidir, həyatın çətinliklərinə asan qələbə çalar və başqaları üçün müsbət enerji mənbəyi olar.

Milli.Az