Cəmiyyət

Azərbaycanda dolu ən çox hansı rayonlara düşür? - Statistika

11 Oktyabr 2021 08:51
0 Şərh     Baxış: 1 286
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanda dolu ən çox qərb və şimal bölgələrə düşür.

Milli.Az bildirir ki, Trend bu barədə Milli Hidrometeorologiya Xidmətinin statistikasına istinadla məlumat verir.

Son 11 ilin göstəricilərinə əsasən, dolunun düşmə intensivliyi Qazax, Tovuz, Gədəbəy, Ağstafa, Göygöl, Gəncə, İsmayıllı, Qəbələ, Şəki, Qax və Qubada ən yüksək səviyyədə olub.

Bu müddət ərzində həmin ərazilərə 46-50 dəfə dolu düşüb.

Cənub bölgələrində, o cümlədən Biləsuvar, Cəlilabad, Masallı, Yardımlı, Lerik, Lənkəran və Astarada, həmçinin bəzi aran rayonlarında və Naxçıvan Muxtar Respublikasının Babək rayonunda isə son 11 ildə 11-25 dəfə dolu müşahidə olunub.

Statistikaya görə, bu müddət ərzində dolunun düşmə intensivliyi ən aşağı olan bölgələr isə Saatlı, Ağcabədi, Xızı, Şirvan, Füzuli, Zəngilan, Qubadlı, Laçın, Ordubad, Şərur, Sədərək rayonları olub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.