Cəmiyyət

“Aİ-92” markalı benzinlə bağlı pis xəbər

15 Sentyabr 2021 23:10
4 Şərh     Baxış: 15 810
VTB-də minimal faiz dərəcəsi ilə nağd kredit 9.9%-dən

""Aİ-95" və "Aİ-98" markalı benzinin qiymətinin qalxmasının digər qiymətlərə təsiri demək olar ki, "yox" səviyyəsində olacaq. Çünki bu benzindən yalnız ən bahalı, mühərrikləri çox həssas olan xarici markalı avtomobillər istifadə edir. Həmin avtomobillər də yük daşımır".

Bunu iqtisadçı, sabiq maliyyə naziri Fikrət Yusifov deyib.

Onun sözlərinə görə, taksi xidməti göstrən avtomobillər də "Aİ-95" və "Aİ-98" markalı benzindən istifadə etmirlər:

"Bu avtomobillər adətən, "Aİ-92" benzinindən və dizel yanacaqdan istifadə etdikləri üçün "Aİ-95" və "Aİ-98" markalı benzinlərin qiymətinin qalxması taksilərin qiyməti bahalaşdırmasına səbəb ola bilməz".

Milli.Az bildirir ki, iqtisadçı bakupost.az-a açıqlamasında qeyd edib ki, benzinin bahalaşması digər məhsulların qiymətlərinin yüksəlməsinə birbaşa təsiri olmasa da, adətən, "Aİ-95" və "Aİ-98" markalı benzinin qiymət artımından sonra "Aİ-92" markalı benzinin qiymətinin yüksəlməsi məsələsi gündəmə gəlir:

"Çünki bunlar eyni növ məhsuldurlar. Dünya bazarındakı dəyişikliklər də Azərbaycan bazarına təsirsiz ötüşmür. Əgər "Aİ-92" markalı benzinin qiyməti yüksələrsə, bizim mal idxal etdiyimiz ölkələrdə yanacağın qiyməti artarsa, onda həmin qiymətlərin digər qiymətlərə təsirindən danışa bilərik". 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.