Cəmiyyət

Erməni keşişlər Kəlbəcəri birdəfəlik tərk edirlər

22 İyul 2021 17:40
Baxış: 1 080

"Azərbaycan artıq üç aydır ki, erməni din xadimlərinin  Kəlbəcərdəki Xudavəng monastırına girişinə qadağa qoyur".

Milli.Az Ermənistan KİV-lərinə istinadən verdiyi xəbərə görə, bunu din xadimi Nerses Harutyunyan bəyan edib. Harutyunyan iddia edir ki, Azərbaycan hakimiyyəti tərəfindən elan edilmiş qadağanın səbəbləri əsassızdır: "Həmişə bəzi səbəblər tapırlar. İndi sadəcə" yox, "tamam" deyirlər. "Ancaq may ayından bəri monastırı girişimiz yoxdur" deyən Harutyunyan əlavə edib ki, indi məbəddən olan din xadimləri Qandzasardadır (Azərbaycanın Ağdərə bölgəsinin ərazisi).

Xudavəng monastırı ən məşhur və yaxşı qorunan alban məbədlərindən biridir. Kəlbəcər bölgəsindəki Tərtər çayının sol sahilindəki Vəng kəndindədir. İndiki monastır kompleksi 9-13 əsrlərdə inşa edilib. Kəlbəcər bölgəsinin işğalı illərində ermənilər monastır haqqında məlumatları saxtalaşdırmağa və alban mədəniyyətinin dini abidəsini mənimsəməyə çalışmışdılar.

Kamran Seyidov
Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.