Cəmiyyət

Deputat Sevil Mikayılovanın təşəbbüsü ilə Xudatda Qurban bayramı sovqatı paylanılıb - FOTOlar

22 İyul 2021 12:02
Baxış: 546

56 saylı Xaçmaz kənd seçki dairəsini təmsil edən deputat Sevil Mikayılovanın təşəbbüsü ilə Xudat şəhəri və ətraf kəndlərdə yaşayan şəhid və aztəminatlı ailələrə "Damla" İctimai Birliyi tərəfindən Qurban bayramı münasibətilə sovqat paylanılıb.

Milli.Az Trend-ə istinadən bildirir ki, bayram münasibətilə ümumilikdə 194 nəfərə qurban əti, 94 ailəyə maddi yardım və uşaqlar üçün geyim, 90 nəfərə isə köynək dəsti paylanılıb.

Yardım aksiyası Xudat şəhər mərkəzi daxil olmaqla, köhnə Xudat, Susayqışlaq, Qusarçay, Ləcət, Yalama, Əhmədoba inzibati ərazi dairələrini, Çaykənarı, Maqsudkənd, Yeni Həyat, Mürşüdoba, Niyazoba, Qımılqışlaq kəndlərini əhatə edib.

Sakinlər xeyirxah təşəbbüsə görə millət vəkilinə və "Damla" İctimai Birliyinə təşəkkürlərini ifadə ediblər.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.